Þóra Björg Jónsdóttir

eigandi & ráðgjafi

Þóra Björg Jónsdóttir er stofnandi og eigandi STOKKU samvinnustofu. Hún hefur reynslu af fjölbreyttum verkefnum á sviði lögfræði, stjórnendaþjálfunar og -ráðgjafar og breytingastjórnunar.

Þóra er lögfræðingur og hefur lokið námi í stjórnendamarkþjálfun. Auk þess hefur hún aflað sér þekkingar á verkefnastjórnun og sáttamiðlun.

Áhugasviðin eru mörg: Útivist, heildræn heilsa, málefni barna og fjölskyldna, forysta, mannlegir þættir breytinga, sjálfbærni og velsæld í samfélögum.

Þóra Björg Jónsdóttir

Ég hef komið að fjölbreyttum verkefnum í atvinnulífinu, hjá hagsmunasamtökum og í opinbera geiranum. Mörg þeirra hafa átt undir málefnasvið fleiri en eins ráðuneytis og bæði stjórnsýslustigin, ríki og sveitarfélög.

Þátttaka í foreldrastarfi leik- og grunnskóla síðasta áratuginn og samstarf við fjölbreyttan hóp hagsmunaaðila í tengslum við þjónustu í þágu barna og fjölskyldna hefur fært mér dýrmæta þekkingu á helstu áskorunum í málaflokknum.

Fyrri reynsla, yfirsýn og innsýn í áskoranir ólíkra hagsmunaaðila hefur gefið mér skýra sýn á tækifæri til að bæta þjónustu og styrkja þverfaglegt samstarf í þágu barna og ungmenna.

Stjórnvöld bera ábyrgð á því að þjónusta við börn og ungmenni þróist í takt við samfélagsbreytingar, nýja þekkingu og fyrri reynslu.

Öflug umgjörð og stuðningur við börn, fjölskyldur og starfsfólk í opinberri þjónustu stuðlar að velferð og öryggi barna. Það er grunnforsenda heilbrigðis og þroska, árangurs í námi og á öðrum sviðum lífsins.

Með heildstæðri nálgun og öflugri samvinnu í þágu barna, þvert á málaflokka og stjórnsýslustig, er dregið úr líkum á fjölþættum vanda og þörfum fyrir inngrip og sérhæfðari þjónustu, bæði samhliða og síðar á lífsleið einstaklinga.

Áskoranirnar eru margar en tækifærin til að ná bættum árangri eru það einnig.

Hefjum samtalið í dag!

thora@stokka.is

Tengjumst á LinkedIn